Яагаад нарны тос хэрэглэх хэрэгтэй вэ?
Арьсны хавдар үүсгэдэг нарны хэт ягаан туяа нь альфа (UVA) болон бета (UVB) гэсэн хоёр төрөл байдаг. Энэхүү хэт ягаан туяа нь дэлхийн цаг агаар, янз бүрийн бохирдлоос болж хүн төрөлхтөнд сөргөөр нөлөөлөх нь улам ихсэж байгаа билээ.
UVA (урт туяа) нь цаг агаар, улирлаас үл хамааран нарнаас байнга ялгарч байдаг туяа. UVA туяа нь шилний цаанаас нэвтэлж, хор учруулах чадвартай. Эдгээр туяаны нөлөө тэр доор нь гардаггүй бөгөөд арьсанд гүн нэвтэрч нарийн үрчлээ үүсэх, аажим аажмаар арьсны хөгшрөлт явагдахад нөлөөлдөг байна. Түүнчлэн арьсанд сэвх, толбо үүсэх гол шалтгаан энэхүү туяанаас болдог юм.
UVB (богино туяа) нь зуны улиралд ялангуяа өдөр идэвхтэй байдаг. Эдгээр туяанд түлэгдсэн арьсны шинж тэмдэг хоёр өдрийн дараа илэрдэг бөгөөд удаан хугацааны турш арилахгүй.
| "Нарны хэт ягаан туяанаас арьсаа хамгаалах хамгийн үр дүнтэй арга бол өөрт тохирсон нарны тосыг зохистой хэрэглэх явдал" |
Нарны тосон дээрх SPF-ийн тэмдэглэгээ ямар учиртай вэ?
Нарны тосон дээр байдаг SPF гэдэг нь Sun Protection Factor буюу нарнаас хамгаалах хүчин зүйлийн тэмдэглэгээ юм. SPF15, SPF20, SPF30, SPF40, SPF50 – зэрэг арын тоонууд нь тухайн тос нарнаас арьсыг хэдэн цаг хамгаалахыг зааж өгдөг. Наранд гарснаас хойш эхний арван минутад л арьс түлэгдэх эхний шатандаа орж эхэлдэг. Нарны тосны хамгаалах хугацааг тодорхойлоход SPF15-ийн тоог нарны туяа үйлчлэх дундаж хугацаа болох 10 минутаар үржүүлж гаргана. Мэдээж SPF-ийн тоо өндөр байх тусам хамгаалах цаг нь уртасна, гэхдээ үүнийгээ дагаад арьсанд үзүүлэх хорт нөлөө ч бас ихэсдэг гэдгийг санах хэрэгтэй. Монгол хүний хувьд хамгийн тохиромжтой нь SPF15-30, SPF/РА++ 30 гэсэн тэмдэглэгээтэй нь юм.
SPF-ээс гадна зарим тосон дээр РА гэсэн тэмдэглээ байдаг нь нарнаас хамгаалахаас гадна харлуулахгүй гэдгийг илэрхийлдэг.
| № | Тэмдэглэгээ | Хамгаалах хугацаа | Тэмдэглэгээ | Хамгаалах хугацаа |
| 1 | SPF15% | 3 цаг | РА+ | 4 цаг |
| 2 | SPF30% | 5 цаг | РА++ | 8 цаг |
| 3 | SPF40% | 7 цаг | РА+++ | 8-аас дээш цаг |
| 4 | SPF50% | 9 цаг |
Нарны хэт ягаан туяа нь хоёр төрөлтэй. UVA нь арьсны гүнд нөлөөлж хөгшрөлтийг нэмэгдүүлж, арьсыг амархан үрчлээтүүлдэг. Харин UVB нь арьсыг маш хурдан түлдэг нарны хэт ягаан туяа юм. Хоёулаа л арьсны хорт хавдрыг дагуулдаг. PA+++ нь зөвхөн UVA туяанаас хамгаалдаг бол SPF нь UVA, UVB хоёр туяанаас хоёулангаас нь хамгаалдаг.
Нарны хэт ягаан туяанаас хамгаалах бүтээгдэхүүний найрлагад юу орсон байх ёстой вэ?
Нарны хэт ягаан туяанаас хамгаалах шүүлтүүр: Энэ нь нарны хэт ягаан туяаг шүүж түлэх үйлчлэлийг нь бууруулдаг. Энэхүү идэвхтнй найрлагуудын нэгдэлд avobenzone (Парсол МСХ), cinoxate, ecamsule, menthyl anthranilate, octyl methoxycinnamate, octyl salicylate, oxybenzone, sulisobenzone зэрэг найрлагууд орсон байж болно.
E амин дэм. Энэ амин дэм нь нарны хэт ягаан туяанаас үүдэлтэй ДНК-гийн гэмтлээс хамгаалдаг.
Хамгийн гол нь цайрын исэл (Zinc Oxyde). Цайрын исэл нь UVA, UVB хорт туяанаас зэрэг арьсыг хамгаалдаг цор ганц найрлага бөгөөд үүний найрлагад нь орсон хувь хэмжээ болон бусад будгуудтай зохицох, арьсанд шингэх шингэц зэргээсээ хамааран нарны тоснууд өөр өөр үнэтэй байдаг. Хямд үнэтэй нарны тоснуудад цайрын ислийн найрлага ихэвчлэн 5% -аас хэтэрдэггүй. Гэтэл арьсыг өдөржин хамгаалж чадах дундаж хэмжээ 7%-20% байдаг юм. Тиймээс нарны тосон дээрх найрлагыг нь хараад, ажил, амьдралын онцлогтоо тохируулан сонголтоо хийгээрэй. Байнга гадуур гарах хэрэгтэй байдаг бол 15%-20% цайрын ислийн найрлагатай, оффис, барилга дотор ажилладаг бол 7%-9%-тайг сонгоход тохиромжтой.
DERMACOL SUN CREAM SPF50- НАРНЫ ТОС/усны хамгаалалттай/
АШИГ ТУС
Е витамин- хэт ягаан туяанаас үүсэх арьсны гэмтлээс урьдчилан сэргийлж, хөгшрөлтөөс сэргийлэх үйлчилгээтэй
Бета-каротин- арьсыг өнгөлөг уян хатан болгодог бөгөөд арьсыг хорт туяаны нөлөөнөөс хамгаалдаг байна
D-пантенол- арьсыг зөөлрүүлж, хурдан нөхөн төлжих процессыг дэмждэг.
ТОДОРХОЙЛОЛТ
Бета-каротин агуулсан энэхүү усанд тэсвэртэй SPF 50 нарны тос нь нарнаас хамгаалах үр дүнтэй үйлчилгээ юм. Е витамин, усан үзмийн үрийн тос бүхий UVA, UVB хамгаалалтын шүүлтүүрүүд нь хэт ягаан туяанаас арьсыг гэмтээхээс хамгаалж, эрт хөгшрөлтөөс сэргийлнэ.
Арьсны төрөл: Бүх төрлийн арьсанд зориулагдсан
ХЭРЭГЛЭЭ
-Наранд гарахаас 20 минутын өмнө хангалттай хэмжээгээр түрхэнэ.
-Хэрэглэхийн өмнө сэгсэрнэ үү.
-Наранд арьсаа удаан хугацаагаар ил байлгах нь арьс эрүүл мэндэд томоохон эрсдэл учруулдаг тул нарны тосыг заавал хэрэглэх шаардлагатай.
-Өвөл зуны аль ч улиралд ялгаагүй.
-нүүр будалтын доор түрхэж болдог ба суурь болж өгдөг. Нарнаас хамгаалах үйлчлэл нь буурахгүй
-Жоохон хүүхэд хэрэглэхэд харшил, СӨРӨГ нөлөө үзүүлэхгүй
-2 цаг тутамд нарны тосоо сэргээж түрхэж байх шаардлагатай.
Нарны тос хэрэглэхдээ өөр юуг анхаарах хэрэгтэй вэ?
• Гэрээсээ гарахаасаа 20 минутын өмнө нойтон биш хуурай арьсан дээрээ нарны тосоо түрхэх хэрэгтэй.
• Нарны туяанд өртөх арьсны бүх л хэсгүүдэд тосоо түрхэх хэрэгтэй. Нүүр, чих, гар, уруул гэх мэт. Харин үсээ хамгаалж нарны малгай өмсөөрэй. Учир нь үс ч бас нарны туяанд гандаж хөгширдөг.
• Цас, элс, ус нь нарны туяаг ойлгодог. Тиймээс энэ гурвын аль нэг нь ихтэй газар луу явах гэж байгаа бол нарны тос хэрэглэх нь бүр ч чухал.
• Нарны хэт ягаан туяа нь үүлийг нэвтэлдэг учраас, үүлэрхэг бүрхэг үед ч нарны тосоо хэрэглээрэй.